تعرف على قصة اكبر ساحر في العالم العربي وكيف تاب وخرج من عالم الجن دون أذى ؟

كتب ✍🏻 عبدالله بن خالد النجار

اليوم الموافق الأحد 30 أبريل 2023

تعرف على قصة اكبر ساحر في العالم العربي وكيف تاب وخرج من عالم الجن دون أذى ؟ 

بعد ما حامد عمل خلوة في الصحراء لـ 41 يوم.. وفي اليوم الـ 40 ظهر له كائن شكله مفزع أوي.. وليه جناحات ولونه أحمر!.. 

حامد أول ما شافوا خاف جدا وجسمه فضل يترعش لكن حاول يثبت مكانه ويهدي.. لحد ما الكائن ده قرب له واتكلم معاه بصوت عالي وكان خشن اوي:

-انا سهسهوبي خادمك الشخصي.. 

جت لك برساله من ملك ملوك الجن!

بمجرد ما الكائن سهسهوبي قال الجملة دي اختفى! ووقتها حامد كان خايف جدا ومش قادر يسيطر على نفسه.. فعشان كده تواصل مع شيخه وجاله الخيمة.. ولما جه للخيمة حامد حكاله على اللي حصل.. 

وقال له على الكائن سهسوبي اللي ظهر له.. 

فالشيخ فهمه ان سهسوبي ده الخادم بتاعه.. واي حاجة هيطلبها منه هينفذهاله.. بكده حامد بقى ولي من الأولياء.. وهيقدر يشوف الملايكة ويتكلم معاهم.. 

وكمان هيقدر يشوف الجن وهيكلمهم ويكلموا!.. 

وبعد ما اتكلم معاه الشيخ.. طلب الشيخ من حامد يخرجوا بره الخيمة.. وأول ما خرج حامد مع الشيخ شاف منظر عجيب في السما؟ شاف السما منوره بكلمات مكتوبه.. الكلمات دي كانت مكتوبة بلغة مش مفهومة!..

فلما سأل حامد الشيخ عن ماهية الكلمات دي؟ 

الشيخ قاله ان ده اللوح المحفوظ اللي مكتوب فيه كل أسرار الخليقة؟ 

ومن أول الخلق ولحد قيام الساعة!.. 

وبعدها الشيخ سأل حامد عارف تقرأ الكلمات دي؟ حامد رد وقال له لا! فهنا الشيخ قال له يبقى جت المرحلة التانية.. ودي مرحلة الكمال.. هتاخد في آخر المرحلة دي لقب الشيخ القطب زيي كده! ومن بعدها هتعرف تقرا الكلمات بكل سهولة.. وهتقدر تتعامل مع أي جن وهتامرهم وينفذ لك كل طلباتك.. اي حاجة تطلبها مهما كانت ايه هو الطلب ده هيتنفذ لك!.. 

وكمان قال له الشيخ انك هتقدر تشوف الملائكة وتكلمهم ويكلموك!... 

مش بس كده الشيخ بلغ حامد أنه تخلص من العبودية؟ يعني مبقاش زي البشر مطلوب منهم الصلاة والصوم.. خلاص حامد خرج من التكليف ومبقاش مطلوب منه يصلي أو يصوم!...

 

وفعلا حامد بقى يعرف الكلمات اللي بقت تظهر له.. وبقى قطب من الأقطاب!... 

الشيخ المعلم لحامد بقى يطلب منه دايما ميقراش القرآن غير معكوس.. ويدبح في أيام معينة.. والأضحية اللي هتدبح ميتسماش عليها اسم الله! وكان بيقول لحامد كمان يحط حديدة جوه بقه عشان ميقولش بسم الله وهو بيدبح! حاجة يعني تمنعه من التسمية!.. وكمان كان بيطلب منه يعمل حاجات عكس اللي ربنا بيطلبها.. 

يعني الصلاة يصليها بشكل مختلف.. وقراية القرآن بشكل مختلف.. والأضحية كمان مش لله!.. 

وكل يوم بيمر على حامد بيتقن فيه علوم السحر.. وبقى حد مشهور جدا في السودان وناس بتجيله من كل مكان!.. 

والخادم بتاع حامد ( سهسوبي) كان دايما ملزمة وبيشوفه لكن محدش بيشوفه! دايما بيكون حاضر معاه الجلسات لأنه هو كان بيعرفه يحضر العمل ازاي؟ وازاي ينطق التعاويذ!.. 

فضل على الحال ده لحد ما في يوم حامد قاعد مع ملك الجن ( سهسوبي) بيتعلم منه.. طلب منه حامد انه عايز يشوف إبليس! فهنا سهسوبي ضحك جامد بسخرية وقاله:

- دانا نفسي ماشفتهوش غير مرة واحده بس لما كنت صغير في سن 225 سنة!

حامد اتصدم لما قاله على سنه! فهنا سأله حامد:

- 225 سنه وكنت لسه صغير؟! امال انت عمرك قد ايه دلوقتي؟

رد ملك الجن سهسوبي:

- انا دلوقتي عندي 7 ألف سنة!

فحامد سأله وقال:

- طب ممكن تقولي هو عرش ابليس فين؟

فرد سهسوبي:

- موجود على البحر عرش عظيم جدا ملوك الجن اللي قريبين منه هما بس اللي مسموح لهم يروحو ل عرشه وياخده منه الاوامر.. ويجوا يوصلوها لينا احنا...

في اللحظة دي حامد اتهز وخاف جدا وبدأ يفتكر حديث عن سيدنا محمد اللي بيقول فيه إن عرش إبليس على البحر وان الهوا اللي بيجي من ناحية البحر.. بتكون رياح محملة بأوامر إبليس.. واللي بينفذها ملوك الجن الكافر!..

حامد فضل يتعلم فنون السحر من سهسوبي لحد ما وصل بيه الحال انه يبقى أقوى واخطر ساحر سوداني.. بيجيله ناس من كل مكان.. وحتى كبار أقطاب الصوفية بيجو يتعلموا منه!.. 

لحد ما حصلت معاه قصة كانت فارقة في حياته وهي اللي خلته يرجع لربنا ويسيب طريق السحر الأسود؟!

قبل ما احكي لكم القصة... 

خلينا نعرف ليه حامد أختار طريق السحر الأسود ؟!

حامد من صغره أتربى في بيت مهنتهم السحر الأسود.. من الجد وبعدها الاب! ولما كان في سن صغير أصيب حامد بالمس الشيطاني! فهنا ابو ندره للشيطان عشان يشفيه من المس.. يعني قال له إن ابني ليك لكن شيل منه المس!.. وبالفعل الشيطان خلص حامد من المس لكن الشيطان ماسبش حامد.. 

بقى ملزمة زي قرينه كده!.. 

وكان أبو حامد بياخد ابنه لمكان مشهور بالسحر الأسود.. ومشهور عنه ان المكان ده مليان بالسحرة.. واي حد عايز يعمل سحر لازم يروح للمكان ده؟

والمكان ده اسمه ( مايرنو ) هناك بيتباع العطور والبخور المخصص ل لأعمال السحر! فكان حامد بيروح مع ابو للمكان ده.. ويفضلو هناك بالشهور.. وبيمارس أبو هناك أعمال السحر!... 

وبعد ما مات ابو وكان سنه 12 سنه.. بدأ أنه يلجأ لعلوم الدين.. وحفظ القرآن.. لكن شيطان حامد اللي ابو ندرة ليه.. ماسبوش فحوله عن الطريق الصحيح.. ودخل أفكار مسمومة لعقله.. خلاه يفكر انه عايز يكون روحاني.. ويشوف الملائكة والأنبياء.. 

ولحد ما وصله انه يدخل طريق السحر الأسود ويبقى أخطر ساحر في السودان!..

مش في السودان بس.. لا ده بقى من أخطر السحرة العرب!.. 

نرجع للقصة اللي فرقت مع حامد وخلته يرجع لربنا؟!

في يوم جه لحامد شاب كان عايز يعمل سخر لبنت رافضة الجواز منه! وعايز البنت دي تقرب منه وتحبه وتتجوزه!.. 

فحامد طلب من الشاب اسم البنت واسم امها.. ولو يقدر يجب له صوره ليها.. وفعلا الشاب مشي وجاب له صوره للبنت و ادهاله.. وقال لبه على اسمها واسم امها..  

وحامد بقى استدعى الخادم سهسوبي وامره بانه يسحر للبنت صاحبة الصوره.. بسحر المحبة و تتعلق بالشاب ويتجوزوا!.. 

سهسوبي اخد الأمر واختفى... 

وتاني يوم الصبح قابل حامد الشاب في الشارع.. لكن حالته كانت غريبة؟ كان خايف وبيجري! وكان في بنت عريانه وست بيجروا ورا الشاب!.. فهنا حامد انصدم!.. 

وفي الليل جه لحامد واحد كان صاحبه جدا زمان.. وقاله انه ابو البنت اللي كانت بتجري عريانه في الشارع هي وامها!..

وبعدها كمل الراجل كلامه اللي صدم حامد؟!..

قال ان في شاب اتقدم لبنته.. وهو نفسه الشاب اللي كان بيجري ف الشارع! وبنته رفضته لانه شاب مستهتر ومش مناسب ليها.. 

لكن فجأة بنتي بعد ما رفضته صحيت بعد يومين بتصرخ جامد وعماله تخبط راسها ف الحيط! كتفناها.. لكن الصبح نفس الشاب جالي وقالي انه جاي ينقذ بنتي من سحر عمله فيها وندمان على اللي عمله! لكن بنتي اول ما شافته! جريت عليه وكانت هتموته! بس الشاب قدر يفلت منها! وبنتي جريت ف الشارع وتقطع ف هدومها لحد ما بقت من غير هدوم! وبتجري في الشارع ورا الشاب زي ما شوفتها كده!.. 

حامد أنصدم.. يعني هو سبب الكارثة دي واذى بنا مسكينه ملهاش ذنب.. فقرر يعالج البنت ويتوب لربنا.. وفعلا أبطل السحر اللي عمله.. وقرر انه مش هيرجع لطريق السحر ابدا!.. 

وبقى يخرج في الفضائيات يحذر الناس من السحرة والدجالين.. ويعرفهم انهم كذابين!.. 

 

أما عن ملك الجن سهسوبي ساب حامد كده بالساهل يخرج من تحت أمره ؟!

جه لحامد وقال له لو مرجعتش هنتقم منك اشد انتقام.. وهتتحبس طول عمرك في عالمنا!.. لكن حامد ماخفش واستعان بالله وانتصر على سهسهوبي.. 

عشان يبقى حامد الساحر الوحيد اللي يدخل في طريق السحر ويخرج منه بتوبة والجن الكافر مايقدروش يؤذوه!.. 

وبكده نكون خلصنا حكاية الساحر السوداني التائب حامد ادم.. 

لكن السلسلة بتاعتنا #اخطر_سحرة_عرب لسه مستمره والبوست الجاي هيكون عن اقذ--ر ساحر عري ممكن تسمع عنه في حياتك!.. 

المصدر :- الكاتب حمد_مهني

#الساحر_التائب_حامد_ادم_سهسوبي