كتب عبدالله بن خالد النجار ✍🏻
الخميس 18 أغسطس 2022
عمرو أديب في حوار تلفزيوني مع مصطفى فهمي على شاشة قناة mbc مصر : شعرك وسنانك زي الفل.. ومصطفى: ارحمني ياعمرو...🧿
-انت اللي يشوفك يا مصطفى لا يمكن يديك سنك
=تديني كام يعني ؟
-يعني أول الستينات
=طب حلو كويس .. انا فوق شوية
-أول السبعينات ؟؟
=ايوا
-أكيد فيه وصفة ، فيه حاجة سحرية أكل معين ، فيتامينات معينة ..
=لا لا لا مليش في السكة دي ، انا نهاري طول عمري أحب النهار أكتر من الليل يعني أحب اروح ألعب رياضة ، اقعد في الشمس ، اسافر اقعد ع البحر ، دايما نهاري والليل بالنسبة لي قليل
-مبتسهرش يعني ؟؟
=لأ بسهر بس على خفيف يعني مبقعدش يعني لـ6 و7 الصبح لأ ومش دايما بسهر ده على حسب المناسبات
-وشعرك اللهم صلي ع النبي لغاية دلوقتي تاتش وود
=انت هتنق على شعري ؟! حرام عليك 🙏🏻
-ما انت شايف شعري عامل ازاي فلازم اتكلم .. وبعدين سنانك دي كمان انا شايف ..
=يا عمرو ارحمني
-ما هو أصل ده كمان انت وأخوك
=ماله أخويا هو كمان ؟!
-مع انه هو الكبير بس يبان أصغر منك
=يا عم ارحمنا بقى !
شاهد واتفرج على الحلقة عبر هذا اللينك :
https://bit.ly/3GgM3q0
#الحكاية
#MBCMASR
